Lífspekifélagið

Sigvaldi Hjálmarsson

Var fæddur 6. október 1921 á Skeggjastöðum Bólstaðarhlíðarhreppi í Austur- Húnvatnssýslu. Sigvaldi andaðist 17. apríl árið 1985 Hann kynntist á bernskuheimili sínu bókum um guðspeki og hreifst því snemma af þeim hugsjónum sem þær boðuð og mótaðist mjög af þeirri stefnu sem Guðspekifélagið fylgdi. Að loknu prófi frá Reykholtsskóla, árið 1940, hóf hann nám í Kennaraskólanum í Reykjavík og gekk þá til liðs við Guðspekifélagið. Starfaði hann þar óslitið allt til æviloka.. Kennaraprófi lauk Sigvaldi árið 1943. og var við kennslu og skólastjórn í Hveragerði næstu þrjú ár. Veturinn 1946-47 var hann kennari í Reykjavík, en hóf að því loknu langan og farsælan blaðamanna og ritstjórnarferil. Hann var blaðamaður á Alþýðublaðinu meira og minna frá 1947 til 1972. Hann var þar bæði fréttastjóri og fulltrúi ritstjóra en kom miklu víðar við. Þannig var hann um skeið ritstjóri Fálkans og Úrvals, og eitt ár var hann yfirmaður þýðingardeildar Sjónvarpsins. Einnig starfaði hann við dagblaðið Vísi og var fréttaritari sænsku fréttastofunnar TT. Jafnframt vann Sigvaldi að félagsmálum blaðamanna, rithöfunda og fyrir Alþýðuflokkinn með nefndarstarfi á vegum borgarstjórnar Reykjavíkur. Árið 1978 stofnaði hann Hugræktarskóla sem starfaði fram á síðast æviár hans. Sigvaldi var forseti Íslandsdeildar Guðspekifélagins um árabil. Einnig átti hann sæti í alsherjaráði Guðspekifélagsins og loks var hann í stjórn Evrópusambands Guðspekifélagsins Auk alls þessa var hann ritstjóri Ganglera, tímarits. Guðspekifélagsins. Sigvaldi skrifað bækur um austurlensk fræði auk ferðaþátta frá Indlandi. Eftir hann liggja alls níu bækur:

1. Eins og opinn gluggi, erindi um mystískt líf 1968,

2. Eins konar þögn, ábendingar í hugrækt, 1973

3. Að horfa og hugsa, blaðagreinar, 1973

4. Tunglskin í trjánum, ferðaþættir frá Indland, 1974

5. Haf í dropa, þættir um yoga og austræna hugsun, 1976

6. Vatnaskil, ljóð, 1976

7. Að sjá örðuvísi, esseiar um mannlegt líf, 1979

8. Stefnumót við alheiminn, leiðbeiningar um esóteríska iðkun, 1982

9. Víðáttur, ljóð, 1984



Auk bóka sem Sigvaldi skrifaði, þýddi hann bækur, þar á meðal

Rödd þagnarinnar eftir H.P. Blavatsky, sem gefin var úr árið 1987